Հայտնի գրող Պերճ Պռոշյանի (1837-1907) տուն-թանգարանը ստեղծվել է 1948 թվականին Աշտարակ քաղաքում։ Հետագայում նրա հայրական տան մոտ կառուցվել են 3 ցուցասրահային սենյակներ։ Առաջինում կարելի է տեսնել գրողի անձնական իրերը, մյուս երկուսում ցուցադրվում են նրա ստեղծագործական գործունեությանն առնչվող իրեր։
Այսօր նրա տուն-թանգարանում պահպանվում են ավելի քան 2000 աշխատանքներ, որոնց շնորհիվ թանգարանի այցելուները հնարավորություն են ստանում ծանոթանալու գրող-արձակագրի գրական, մանկավարժական ու հանրային գործունեության հետ։
Ցուցանմուշների մեծամասնությունը նվիրաբերել են գրողի ժառանգները։
