Երևանի «Ոսկե Ծիրան» միջազգային կինոփառատոնն ունի «Մշակույթների ու քաղաքակրթությունների խաչմերուկ» կարգախոսը: Այս բնորոշումը մշակութային կամուրջներ կառուցելու և երկխոսությունը խթանելու խորհրդանիշն է: «Ոսկե Ծիրան» փառատոնը նմանատիպ այլ իրադարձություններից տարբերվում է այն բանով, որ փոքրամասշտաբ է և առավել մտերմիկ, սակայն փառատոնը շարունակաբար արժանանում է միջազգային ուշադրության ու հարգանքի: Փառատոնն ունի հատուկ համահայկական մրցութային բաժին՝ Հայկական համայնապատկերը, հայկական ծագում ունեցող կինոգործիչների ֆիլմերի համար: Փառատոնի բացումը մշտապես նշանավորվում է ավանդական ծիրանօրհնեքով՝ այն մրգի օրհնությամբ, որով հայտնի է Հայաստանը:
