Գառնի

Արևի աստված Միհրի տաճար Գառնին կառուցվել է Տրդատ I-ի կողմից մ.թ.ա. 76 թվականին: Սա թերևս միակ պահպանված հեթանոսական սրբավայրն է ոչ միայն Հայաստանում, այլև ամբողջ տարածաշրջանում: Քրիստոնեությունը որպես պետական կրոն ընդունելուց հետո Հայաստանում բոլոր հեթանոսական տաճարները ավերվեցին, և դրանց տեղը եկեղեցիներ կառուցվեցին: Պահպանվել է միայն Գառնին: Չնայած, 1679 թվականին այն հիմնովին ավերվել է երկրաշարժից և վերականգնվել արդեն խորհրդային ժամանակաշրջանում:

Երկար ժամանակ Գառնին հայոց արքաներին ծառայել է որպես ամառանոց: Գլխավոր շինության մոտ պահպանվել է հռոմեական բաղնիքը, որի հատակի խճանկարը պահպանվել է գրեթե ամբողջովին:

Գառնին շրջապատված է Ազատ գետի խոր կիրճով, որի քարանձավները պատված են յուրօրինակ վեցանկյուն պրիզմաներով՝ այնքան ճշգրիտ ձևի, որ դրանք արհեստական են թվում: Այս շլացուցիչ տեսարանը անվանում են «Քարերի սիմֆոնիա»:

ՀՈՒԱ համար

Գառնիի պատմաճարտարապետական ​​համալիրը հասանելի է միայն մասամբ: Հեթանոսական տաճարը կառուցված է երկու մետրանոց բազալտե բլոկներից, ուստի աստիճանները բավականին բարձր են, առնվազն 30սմ բարձրությամբ, ինչը անհնար է դարձնում տաճար մտնելը: Այնուամենայնիվ, համալիրի տարածքում, տաճարից բացի, կարող եք տեսնել նաև բերդի մնացորդները, թագավորական պալատը, ինչպես նաև բաղնիքի շենքը: Բացի այդ, համալիրի տարածքից դուք կարող եք հիանալ տաճարի ստորոտում գտնվող կիրճի գեղեցիկ տեսարանով: