Հայտնի նկարչուհի, ազգագրագետ և գրող Լուսիկ Ագուլեցուն առաջին հերթին ճանաչում են նրա մշտական հայկական ազգային հագուստի՝ տարազի շնորհիվ։ Համենայնդեպս՝ վերջին 45 տարում։ Ազգային տարազի վերածնունդը դարձել է նրա կյանքի իմաստը։ Խոսքը միայն տարազներին չի վերաբերում։ Նրա կողմից ոչ վաղ անցյալում բացված տուն-թանգարանում կարելի է տեսնել գորգեր, կարպետներ, կոշիկներ (տրեխներ), պայուսակներ, արծաթե իրերի հավաքածուներ, սեղանի լամպեր, կենցաղային պարագաներ, սպասք, կճուճներ, զենք, կահույք, ձեռքով պատրաստված յուրօրինակ տիկնիկներ, ցորենի հյուսքերից պատրաստված ծառեր։ Ագուլեցու թանգարանում պատվավոր տեղ է զբաղեցնում ձեռագործ օրորոցը, որը բերվել է հայրենի Ագուլիսից, դաշույններից մեկը պատկանել է XVII դարում ապրած Մուհամեդ Լարիին, կճուճները պահպանվել են դեռևս բրոնզե դարից, կան նաև շատ այլ իրեր, որոնք լրացնում են թանգարանային հավաքածուի ազգային կոլորիտը։
